Cyflwyno Mewngreuanol

Elfen graidd o’n ffocws ar gyflwyno Mewngreuanol yw cyflwyno trawsblaniad celloedd ffetysol dynol mewn treial HD (TRIDENT – yr unig astudiaeth o’i math yn fyd-eang ar hyn o bryd), a therapïau oligoniwcleotid gwrth-synnwyr intrathecal gyda Roche.

Rydym ni’n datblygu dyfeisiau newydd, arbenigol sydd wedi’u hoptimeiddio ar gyfer cyflwyno therapi celloedd a therapïau eraill yn fewngreuanol, mewn cydweithrediad â phartneriaid diwydiannol, gan ddatblygu o brofi mewn modelau labordy hyd at werthuso clinigol.

Dros y flwyddyn ddiwethaf rydym ni wedi sicrhau’r holl gymeradwyaeth reoleiddiol angenrheidiol ar gyfer pob cam o dreial TRIDENT.  Roedd y trawsblaniad TRIDENT cyntaf wedi’i drefnu ar gyfer 17 Mawrth 2020 ond bu’n rhaid oedi mewn ymateb i gynllun gweithredu covid-19 Llywodraeth Cymru oedd yn cynnwys canslo pob llawdriniaeth ddewisol.